శివాలయంలో వెండి ఆభరణాల చోరీ

టెక్కలి పట్టణం  :  టెక్కలిలోని చేరివీధి వద్దనున్న రామలింగేశ్వరస్వామి ఆలయంలో సోమవారం రాత్రి చోరీ జరిగింది. సీసీ కెమెరాల వైర్లు కట్ చేసిన దుండగులు తలుపులు పగులుగొట్టి గుడిలోకి ప్రవేశించారు. నాగాభరణం, శఠగోపాలు, పంచపాత్రలు, ఉద్ధరిణులు, వెండి పల్లెం సహా ఆరు కిలోల బరువైన ఆభరణాలు చోరీ చేశారు. సీసీ కెమెరా దృశ్యాలు నమోదైన హార్డ్ డిస్క్‌ను ఎత్తుకెళ్లారు. ఉదయాన్నే ఈ విషయం గుర్తించిన అర్చకుడు పోలీసులకు సమాచారం ఇచ్చారు. దీంతో టెక్కలి సీఐ సూర్యచంద్రమౌళి, ఎస్సై మహమ్మద్‌ అలీ ఆలయాన్ని పరిశీలించి విచారణ చేపట్టారు.