జీవితాల్లో వెలుగులు రావాలి: కలెక్టర్‌

నమూనా చెక్కు అందిస్తున్న కలెక్టర్‌ శ్రీకేష్‌  బి.లఠ్కర్‌, చిత్రంలో ఎస్పీ రాధిక, తదితరులు

కలెక్టరేట్‌(శ్రీకాకుళం), న్యూస్‌టుడే: చట్టవిరుద్ధ కార్యకలాపాలు చేస్తూ ఆబ్కారీ శాఖకు పట్టుబడిన వారికి ప్రత్యామ్నాయ జీవనోపాధి కింద ఆర్థిక సహాయం అందిస్తున్నట్లు కలెక్టర్‌ శ్రీకేష్‌ బి.లఠ్కర్‌ తెలిపారు. కలెక్టరేట్‌లో ‘పరివర్తన 2.0’ కింద ఆసరా పొందుతున్న 34 కుటుంబాలకు రూ.11 లక్షల నమూనా చెక్కును కలెక్టర్‌, ఎస్పీ జి.ఆర్‌.రాధిక మంగళవారం అందజేశారు. ఈ సందర్భంగా కలెక్టర్‌ మాట్లాడుతూ డీఆర్‌డీఏ సహకారంతో పాత ఆబ్కారీ నేరస్తులకు అందిస్తున్న ఆర్థిక సాయంతో వారి జీవితాల్లో వెలుగులు రావాలని ఆకాంక్షించారు. నీతి, నిజాయతీతో జీవనం సాగించాలని సూచించారు. ఎస్పీ మాట్లాడుతూ ప్రభుత్వం అందించిన సహకారంతో ఉన్నతంగా జీవించాలన్నారు. కార్యక్రమంలో డీఆర్‌డీఏ పీడీ విద్యాసాగర్‌, సహకార బ్యాంకు సీఈవో వరప్రసాద్‌, యూనియన్‌ బ్యాంకు ప్రాంతీయ మేనేజరు గురునాథరావు, ఎల్‌డీఎం ప్రసాదరావు తదితరులు పాల్గొన్నారు.