తెదేపా నగరాల సాధికారత కమిటీ జిల్లా అధ్యక్షుడిగా వెంకునాయుడు

గుజరాతీపేట(శ్రీకాకుళం), న్యూస్‌టుడే: తెలుగుదేశం పార్టీ నగరాల సాధికారత కమిటీ జిల్లా అధ్యక్షుడిగా నరసన్నపేట నియోజకవర్గానికి చెందిన నల్లాన వెంకునాయుడిని నియమిస్తూ పార్టీ శ్రీకాకుళం పార్లమెంట్‌ నియోజకవర్గ అధ్యక్షుడు కూన రవికుమార్‌ గురువారం ఉత్తర్వులు జారీ చేశారు. కమిటీలో సభ్యులుగా ఆమదాలవలసకు చెందిన వేపారి వెంకటేశ్‌, కొర్లాం రవికుమార్‌రాజు, బొల్లు సూరిబాబు, ఉట్టి లక్ష్మణమూర్తి, రామానుజుల దాలినాయుడు, తమ్మన సురేశ్‌, నున్నగోపాల వాసుదేవరావు, శ్రీకాకుళానికి చెందిన మడ్డి కైలాసరావు, చొక్కారి సింహాద్రి, వ్యాపారి దాలినాయుడు, శంభాన రాజారావు, టెక్కలికి చెందిన మజ్జి అప్పారావు, అడ్డూరి అనంతరావులను నియమించారు.