30, 31 తేదీల్లో బ్యాంకు ఉద్యోగుల సమ్మె

ఎస్‌బీఐ ప్రధానశాఖ వద్ద ఉద్యోగుల ఆందోళన

పాతశ్రీకాకుళం, న్యూస్‌టుడే: బ్యాంకు ఉద్యోగులు, అధికారులు ఎదుర్కొంటున్న సమస్యల పరిష్కారం కోరుతూ బ్యాంకు ఉద్యోగ సంఘాల ఐక్యవేదిక ఆధ్వర్యంలో దేశవ్యాప్త ఆందోళనలో భాగంగా ఈ నెల 30, 31 తేదీల్లో సమ్మె చేయనున్నట్లు యూఎఫ్‌బీయూ జిల్లా కన్వీనర్‌ కె.సి.హెచ్‌.వెంకటరమణ పేర్కొన్నారు. శ్రీకాకుళం ఎస్‌బీఐ ప్రధాన శాఖ వద్ద శుక్రవారం జరిగిన ఆందోళనలో ఆయన మాట్లాడారు. వారానికి ఐదు రోజుల పని విధానం అమలు చేయాలని, పింఛను, వేతన సవరణ చేయాలనే ప్రధాన డిమాండ్లతో సమ్మెకు వెళ్తున్నట్లు చెప్పారు. యూఎఫ్‌బీయూ మరో శాఖ ఆధ్వర్యంలో నగరంలోని యూనియన్‌ బ్యాంకు ప్రాంతీయ కార్యాలయం వద్ద సంఘ నాయకురాలు జి.కరుణ, గిరిధర్‌ నాయక్‌ల ఆధ్వర్యంలోనూ ఆందోళన చేపట్టారు.