ఆర్టీసీలో వజ్రాల్లాంటి చోదకులు

డ్రైవరు ఆర్‌.ఎన్‌.రావుకు ప్రశంసాపత్రం అందజేస్తున్న ఈడీ రవికుమార్‌

అరసవల్లి, న్యూస్‌టుడే: ఆర్టీసీలో వజ్రాల్లాంటి డ్రైవర్లున్నారని, ప్రయాణికులకు సురక్షితమైన ప్రయాణం అందిస్తున్నారని జిల్లా రవాణాశాఖాధికారి శ్రీదేవి కొనియాడారు. జిల్లా కేంద్రంలోని ఆర్టీసీ డిపో-2 ఆవరణలో 34వ రహదారి భద్రత వారోత్సవాలు గురువారం జరిగాయి. ఈ సందర్భంగా ఆమె మాట్లాడుతూ నైపుణ్యం కలిగిన డ్రైవర్లు ఆర్టీసీలో ఉన్నారన్నారు. ప్రతి ఒక్కరు భద్రత సూక్తి, సమయపాలన పాటించాలని సూచించారు. సంస్థ ఎగ్జిక్యూటివ్‌ డైరెక్టర్‌ రవికుమార్‌ మాట్లాడుతూ చాలామంది డ్రైవర్లు రహదారి మధ్యలో బస్సు నిలిపివేస్తున్నారని, పక్కకు ఆపితే ట్రాఫిక్‌జామ్‌ అవ్వకుండా ఉంటుందని తెలిపారు. అనంతరం ఉత్తమ సేవలు అందించిన వారికి బహుమతులు, ప్రశంసాపత్రాలు అందజేశారు. కార్యక్రమంలో ట్రాఫిక్‌ డీఎస్పీ ప్రసాదరావు, జిల్లా ప్రజారవాణాధికారి విజయ్‌కుమార్‌, డిపో మేనేజర్లు, డ్రైవర్లు, కండక్టర్లు, సిబ్బంది పాల్గొన్నారు.

ఉత్తమ డ్రైవర్లు వీరే..: శ్రీకాకుళం ఒకటో డిపో: ఆర్‌.ఎన్‌.రావు, బీవీఆర్‌ మూర్తి, పి.వి.రావ్‌, ఎన్‌.పురుషోత్తం, వై.జి.రావు, డి.వి.రాజు  

రెండో డిపో: కె.రమణ, యు.ఎ.రావు, కేఎస్‌పీ రావు  టెక్కలి: కె.జె.రావు, జె.ఎల్‌.నారాయణ, డి.ఎం.రావు  పలాస: యు.కె.రావు.