ఖేలో ఇండియా పోటీల్లో స్వర్ణపతకం

కడపల సౌమ్య

శ్రీకాకుళం అర్బన్‌, న్యూస్‌టుడే: ఖేలో ఇండియా పోటీల్లో సిక్కోలుకు చెందిన జూడో క్రీడాకారిణి కడపల సౌమ్య స్వర్ణ పతకాన్ని ముద్దాడింది. మధ్యప్రదేశ్‌లో శుక్రవారం జరిగిన రెండో ఖేలో ఇండియా జాతీయస్థాయి లీగ్‌ కమ్‌ ర్యాంకింగ్‌ జూడో పోటీల్లో ఆంధ్రప్రదేశ్‌ జట్టు తరఫున పాల్గొని విజేతగా నిలించింది. తుది పోరులో కె.ఎం.హర్ష(కేరళ)ను చిత్తు చేసి ప్రథమ స్థానంలో నిలిచింది. గతేడాది దిల్లీలో జరిగిన మొదటి ఖేలో ఇండియా జాతీయస్థాయి లీగ్‌ కమ్‌ ర్యాంకింగ్‌ జూడో పోటీల్లో సౌమ్య రజత పతకాన్ని సాధించింది. ఈ సందర్భంగా క్రీడాకారిణిని సెట్‌శ్రీ సీఈవో బి.వి.ప్రసాదరావు, డీఎస్‌ఏ ముఖ్య శిక్షకురాలు ఎం.మాధురీలత, జూడో సంఘ కార్యనిర్వర్వాహణ కార్యదర్శి పైడి సునీత, శిక్షకుడు పి.ఎస్‌.మణికుమార్‌, జూడో అసోసియేషన్‌ జిల్లా అధ్యక్ష, కార్యదర్శులు పులఖండం సూర్యప్రకాశ్‌, ఎం.వి.రమణ, ఒలింపిక్‌ సంఘం ప్రధాన కార్యదర్శి పెంకి సుందరరావు, జూడో సంఘ సభ్యులు అభినందించారు.