రోడ్డు ప్రమాదంలో వ్యక్తి మృతి

ఎచ్చెర్ల, శ్రీకాకుళం :  రోడ్డు ప్రమాదంలో వ్యక్తి మృతి చెందిన ఘటన సోమవారం శ్రీకాకుళం జిల్లా ఎచ్చెర్ల మండలంలో జరిగింది. పోలీసులు తెలిపిన వివరా ల ప్రకారం.. మండలంలోని  అజరాం గ్రామానికి చెందిన బురిడి పెంటయ్య(52) అనే వ్యక్తి  శ్రీకాకుళం నుంచి తన స్వగ్రామానికి ద్విచక్రవాహనంపై వెళ్తున్నాడు. ఈ క్రమంలో శ్రీకాకుళం జిల్లా ఎచ్చెర్ల మండలం ఫరీద్‌పేట వద్ద జాతీయ రహదారిపై పెంటయ్య ప్రయాణిస్తున్న ద్విచక్రవాహనాన్ని  వెనుక నుంచి వస్తున్న కారు అదుపుతప్పి  ఢీకొట్టింది. ఈ ప్రమాదంలో పెంటయ్య అక్కడికక్కడే మృతి చెందాడు. స్థానికుల సమాచారంతో ఘటనాస్థలికి చేరుకున్న ఎచ్చెర్ల పోలీసులు వివరాలు నమోదు చేసి దర్యాప్తు చేపట్టారు. మృతుడికి  భార్య, ముగ్గురు  కుమారులు ఉన్నారు.