కాంగ్రెస్‌ నేతల నిరసన

అదానీ గ్రూప్‌ లావాదేవీలపై సమగ్ర విచారణ జరిపించాలని జిల్లా కాంగ్రెస్‌ కమిటీ అధ్యక్షురాలు బొడ్డేపల్లి సత్యవతి డిమాండ్‌ చేశారు. దేశవ్యాప్త ఆందోళనలో భాగంగా సోమవారం నగరంలోని ఎల్‌ఐసీ కార్యాలయం ఎదుట పార్టీ ఆధ్వర్యంలో జరిగిన నిరసన కార్యక్రమంలో ఆమె పాల్గొని మాట్లాడారు. కాంగ్రెస్‌ ప్రభుత్వ హయాంలో బ్యాంకుల జాతీయకరణ, ఎల్‌ఐసీ వంటి సంస్థలను ఏర్పాటు చేయగా.. భాజపా అధికారంలోకి వచ్చాక ప్రభుత్వరంగ సంస్థలను, వాటి ఆస్తులను ఆర్థికంగా దివాలా తీసేవిధంగా వ్యవహరిస్తున్నారని ఆరోపించారు. ఈ నిరసనలో డీసీసీ నాయకులు సనపల అన్నాజీరావు, దేశిల్ల గోవింద మల్లిబాబు, అంబటి కృష్ణారావు, పైడి నాగభూషణరావు తదితరులు పాల్గొన్నారు.
న్యూస్‌టుడే, పాతశ్రీకాకుళం