ఘనంగా అచ్చెన్నాయుడు జన్మదిన వేడుకలు

టెక్కలిలో కేక్‌ కోస్తున్న తెదేపా నేతలు

టెక్కలి, న్యూస్‌టుడే : తెలుగుదేశం పార్టీ రాష్ట్ర అధ్యక్షుడు కింజరాపు అచ్చెన్నాయుడు జన్మదిన వేడుకలు ఆదివారం ఘనంగా జరిగాయి. జిల్లాలో అన్ని మండలాల్లో పార్టీ నాయకులు, కార్యకర్తలు వేడుకలు చేశారు. టెక్కలి తెదేపా కార్యాలయంలో పార్టీ మండల అధ్యక్షుడు బగాది శేషగిరిరావు ఆధ్వర్యంలో జరిగిన కార్యక్రమంలో తెలుగు యువత జిల్లా అధ్యక్షుడు మెండ దాసునాయుడు, తెదేపా జిల్లా మాజీ అధ్యక్షుడు చౌదరి నారాయణమూర్తి అతిథులుగా పాల్గొన్నారు. తెలుగు యువత మండల అధ్యక్షుడు కోళ్ల కామేష్‌ ఆధ్వర్యంలో రక్తదాన శిబిరం నిర్వహించగా, 47 మంది అభిమానులు రక్తదానం చేశారు. ఆసుపత్రిలో రోగులకు పండ్లు పంచిపెట్టారు.