ఆదిత్యుని ఆదాయం రూ.50.10 లక్షలు

హుండీ ఆదాయాన్ని లెక్కిస్తున్న సిబ్బంది

అరసవల్లి, న్యూస్‌టుడే: అరసవల్లి సూర్యనారాయణ ఆలయంలోని హుండీల ఆదాయాన్ని బుధవారం లెక్కించారు. ఫిబ్రవరి 14వ తేదీ నుంచి ఈ నెల 29 వరకు 44 రోజులకు రూ.50,10,437 ఆదాయం సమకూరినట్లు ఈవో వి.సూర్యప్రకాశ్‌ తెలిపారు. అందులో నోట్ల రూపేణా రూ.48,11,987, చిల్లర రూపంలో రూ.1,98,450 వచ్చినట్లు చెప్పారు. దీంతో పాటు 104 గ్రాముల బంగారం, 2 కిలోల 200 గ్రాముల వెండి, అమెరికా డాలర్లు 52 వచ్చాయన్నారు. కార్యక్రమంలో జిల్లా దేవాదాయ, ధర్మాదాయశాఖ కార్యాలయ సూపరింటెండెంట్‌  బి.వి.వి.ఆర్‌. ప్రసాద్‌ పట్నాయక్‌, ఆలయ అనువంశిక ధర్మకర్త ఇప్పిలి జోగి సన్యాసిరావు, ప్రధానార్చకులు శంకర శర్మ, ఆలయ పాలకమండలి సభ్యులు, తదితరులు పాల్గొన్నారు.