క్రీడాధికారిగా నియామకం వాసుదేవరావు

నరసన్నపేట, న్యూస్‌టుడే: అథ్లెటిక్స్‌లో జాతీయస్థాయిలో సత్తా చాటిన నరసన్నపేటకు చెందిన వారణాశి వాసుదేవరావు క్రీడాధికారిగా ఉన్నత బాధ్యతలు పొందారు. జోధ్‌పూర్‌లోని ఐఐటీలో వాసుదేవరావు క్రీడాధికారిగా నియమితులయ్యారు. ఈమేరకు ఇండియన్‌ ఇనిస్టిట్యూట్‌ ఆఫ్‌ టెక్నాలజీ రిజిస్ట్రార్‌ హరి ఓం యాదవ్‌ ఉత్తర్వులు జారీ చేశారు. వాసుదేవరావు నాగార్జున విశ్వవిద్యాలయంలో వ్యాయామవిద్యలో పీహెచ్‌డీ… పూర్తి చేశారు. అథ్లెటిక్స్‌లో జాతీయస్థాయిలో పలు మార్లు ప్రథమస్థానం పొందారు. ప్రస్తుతం ఐఐటీ తిరుపతిలో వ్యాయామవిద్య శిక్షకుడిగా పనిచేస్తున్నారు. వాసుదేవరావు తండ్రి గణేష్‌ నరసన్నపేట మార్కెట్‌ వీధిలో చిరు వ్యాపారి.