ప్రశాంతంగా పీజీసెట్‌

శివాని ఇంజినీరింగ్‌ కళాశాల కేంద్రంలోకి వెళ్లే విద్యార్థులను తనిఖీ చేసి పంపిస్తున్న సిబ్బంది

ఎచ్చెర్ల, న్యూస్‌టుడే: పీజీ కోర్సుల్లో ప్రవేశాలకు ప్రభుత్వం నిర్వహిస్తున్న ఏపీ పీజీసెట్‌-2023 పరీక్షలు జిల్లాలోని రెండు కేంద్రాల్లో మంగళవారం ప్రశాంతంగా జరిగాయి. ఎచ్చెర్ల మండలంలోని శ్రీ శివాని ఇంజినీరింగ్‌ కళాశాల, శ్రీ వెంకటేశ్వర ఇంజినీరింగ్‌ కళాశాల కేంద్రాల్లో తొలిరోజు మొదటి షిఫ్టులో ఆంగ్లం సబ్జెక్టుకు 68 మంది విద్యార్థులకు గాను 53 మంది హాజరయ్యారు. రెండో షిఫ్టులో బోటనీ, మ్యాథమేటికల్‌ సైన్సెస్‌ సబ్జెక్టులకు సంబంధించి 226 మందికి గాను 197 మంది పరీక్ష రాశారు. మూడో షిఫ్టులో హ్యుమానిటీస్‌ అండ్‌ సోషల్‌సైన్సెస్‌ సబ్జెక్టుకు 80 మందికి 72 మంది విద్యార్థులు హాజరయ్యారు. ఈ నెల 10 వరకు పీజీ ప్రవేశ పరీక్షలు జరగనున్నాయి.