అపజయాల నుంచి పాఠాలు నేర్చుకోవాలి

ఎం.లక్ష్మిని సత్కరిస్తున్న గురజాడ విద్యాసంస్థల అధినేత జి.వి.స్వామినాయుడు, తదితరులు

కలెక్టరేట్(శ్రీకాకుళం), న్యూస్‌టుడే: ప్రస్తుత పోటీ ప్రపంచంలో లక్ష్యం గొప్పగా ఉంటే విజయం తప్పక వరిస్తుందని కాలిఫోర్నియాకు చెందిన ఐటీ రంగ అంతర్జాతీయ సంస్థ ‘పాత్ర ఇండియా’ ఎండీ, ఏపీ ఐటీ అసోసియేషన్‌ అధ్యక్షురాలు ఎం.లక్ష్మి పేర్కొన్నారు. శ్రీకాకుళం గ్రామీణ మండలం మునసబుపేటలోని గాయత్రి కళాశాలలో శనివారం ఫ్రెషర్స్‌ డే నిర్వహించారు. ఈ సందర్భంగా ఆమె మాట్లాడుతూ అపజయాల నుంచి పాఠాలను నేర్చుకోవాలని సూచించారు. అనంతరం విద్యాసంస్థల అధినేత జి.వి.స్వామినాయుడు, తదితరులు ఆమెను సత్కరించారు. కార్యక్రమంలో విద్యాసంస్థల సంచాలకులు సంయుక్త, కరస్పాండెంట్ అంబటి రంగారావు, ప్రిన్సిపల్‌ డా.పులఖండం శ్రీనివాసరావు, ఐక్యూఏసీ సమన్వయకర్త డా.మార్తాండ కృష్ణ, తదితరులు పాల్గొన్నారు.