Sunny Leone:సన్నీ లియోనీకార్యక్రమాలకు నిరసన సెగ

సన్నీ లియోన్‌ బ్యానరు చింపుతున్న దృశ్యం

చెన్నై, న్యూస్‌టుడే: పుదుచ్చేరిలో ఆంగ్ల సంవత్సరాది వేడుకలకు అనుమతి ఇచ్చిన విషయం తెలిసిందే. పర్యాటకశాఖ తరఫున పాత పోర్టు ప్రాంగణంలో నూతన సంవత్సర వేడుకలకు ఏర్పాట్లు చేశారు. ఈ వేడుకల్లో భాగంగా నటి సన్ని లియోనీ బృందం నేతృత్వంలో కార్యక్రమాలు ఉంటాయని ప్రకటించారు. దీనికి పుదుచ్చేరిలోని పలు సంఘాలు నిరసన తెలిపాయి. కార్యక్రమం జరగనున్న పాత పోర్టు ప్రాంగణం ఎదుట గురువారం తమిళర్‌ కళగం తరఫున ఆందోళన జరిగింది. వేదిక ప్రాంతంలోకి చొరబడి అక్కడ ఏర్పాటు చేసిన సన్ని లియోనీ బ్యానర్లను ధ్వంసం చేశారు. ఆ కార్యక్రమాలను రద్దు చేయాలని డిమాండ్‌ చేశారు. 50 మందిని పోలీసులు అరెస్టు చేశారు.