వీడియో కాల్‌ కేసులో మురుగన్‌కు ఊరట

మురుగన్‌ని కోర్టు నుంచి జైలుకి తీసుకెళ్తున్న పోలీసులు

వేలూర్‌, న్యూస్‌టుడే: మాజీ ప్రధాని రాజీవ్‌ గాంధీ హత్య కేసులో జీవిత ఖైదు అనుభవిస్తున్న మురుగన్‌ వేలూర్‌ సెంట్రల్‌ జైల్లో ఉన్నారు. ఈ నేపథ్యంలో కరోనా వ్యాప్తి కారణంగా 2020లో జైలు ఖైదీలను కలిసేందుకు బయటివారికి నిషేధం విధించారు. వాట్సాప్‌ వీడియో కాల్‌ మాట్లాడేందుకు అనుమతి ఇచ్చారు. మురుగన్‌ బంధువులతో వీడియో కాల్‌ మాట్లాడారు. జైలు నిబంధనలు మీరి విదేశాలకు వీడియో కాల్‌ మాట్లాడినట్లు పోలీసులు కేసు నమోదు చేశారు. ఈ కేసు విచారణ వేలూర్‌ కోర్టులో కొనసాగుతోంది. 19వ తేదీన తుది విచారణ ముగిసిన స్థితిలో న్యాయమూర్తి 24వ తేదీకి తీర్పు వాయిదా వేశారు. మంగళవారం పోలీసు భద్రత నడుమ మురుగన్‌ణు కోర్టులో హాజరుపరిచారు. మురుగన్‌పై ఆరోపణ రుజువు కాలేదని, ఈ కేసు నుంచి విడుదల చేస్తూ ఉత్తర్వులు ఇచ్చారు. అనంతరం అతనిని పోలీసులు జైలుకి తీసుకెళ్లారు.