రామనాథపురం సంస్థాన యువరాజు కన్నుమూత

రాజా కుమరన్‌ సేతుపతి (పాతచిత్రం)

వేలచ్చేరి, చెన్నై, న్యూస్‌టుడే: రామనాథపురం సంస్థాన యువరాజు, రామేశ్వరం రామనాథ స్వామి ఆలయ తర్కార్‌ ‘రాజా నాగేంద్ర కుమరన్‌ సేతుపతి’ (56) మంగళవారం ఉదయం గుండె పోటుతో కన్నుమూశారు. రాజభవనంలో కుటుంబంతో కలిసి నివసిస్తూ వచ్చిన ఆయన అన్నామలై, తంజావూరు తమిళ విశ్వవిద్యాలయాల సెనేట్‌ సభ్యుడిగానూ వ్యవహరించారు. గత కొద్ది రోజులుగా అనారోగ్యంతో బాధపడుతున్న ఆయన తుదిశ్వాస విడిచారు. ఆయన మృతికి పలువురు సంతాపం తెలపడంతో పాటు భౌతికకాయానికి నివాళులు అర్పించారు. రాజా నాగేంద్ర కుమరన్‌ సేతుపతి మరణించడం దిగ్భ్రాంతి కలిగించిందని ముఖ్యమంత్రి స్టాలిన్‌ తన సంతాప ప్రకటనలో తెలిపారు. ఆలయం, విద్యాసంస్థల బాద్యతల్లో ఉత్తమ సేవలు అందిస్తున్న ఆయన అకస్మాత్తుగా మరణించడం తీరని లోటు అన్నారు. ఆయన్ను కోల్పోయి బాధపడుతున్న కుటుంబ సభ్యులకు ప్రగాఢ సానుభూతి తెలిపారు.