వాడిపడేసిన ప్లాస్టిక్‌ సీసాలతో ఇల్లు

ప్లాస్టిక్‌ సీసాలతో నిర్మించిన గృహం

విల్లివాక్కం, న్యూస్‌టుేడ: కొడైక్కానల్‌లో వాడిపడేసిన ఉపయోగం లేని ప్లాస్టిక్‌ సీసాలతో ఉద్యానశాఖ వారు నిర్మించిన ఇంటికి పర్యాటకుల నుంచి విశేష స్పందన లభిస్తోంది. కొడైక్కానల్‌లో ప్లాస్టిక్‌ వాడకాన్ని అధికారులు నిషేధించారు. దీంతో ప్రస్తుతం కొండ ప్రాంతాల్లో ప్లాస్టిక్‌ వస్తువుల వాడకం తగ్గుతూ వస్తోంది. ఈ నేపథ్యంలో ఉపయోగించని ప్లాస్టిక్‌ సీసాలలో మట్టిని నింపి ఇల్లు నిర్మించారు. ఇది దృఢంగా ఉంటుందని చెబుతున్నారు. ఇక్కడికి వస్తున్న పర్యాటకులను ఈ ఇల్లు ఆకట్టుకుంటోంది.