‘విద్యున్మండలి ప్రైవేటీకరణను వ్యతిరేకించాలి’

నిత్యావసర వస్తువుల ధరల పెరుగుదలను నిరసిస్తూ దక్షిణ చెన్నై కాంగ్రెస్‌ విభాగం ఆధ్వర్యంలో

75 కిలోమీటర్ల దూరం సాగనున్న ర్యాలీ మంగళవారం టీఎన్‌సీసీ మాజీ అధ్యక్షుడు తంగబాలు

ఆధ్వర్యంలో శాంథోం చర్చి ప్రాంతంలో ప్రారంభమైంది.    -చెన్నై, న్యూస్‌టుడే

చెన్నై, న్యూస్‌టుడే: విద్యున్మండలి ప్రైవేటీకరణ ప్రయత్నాలను ముఖ్యమంత్రి స్టాలిన్‌ వ్యతిరేకించాలని టీఎన్‌సీసీ మాజీ అధ్యక్షుడు ఈవీకేఎస్‌ ఇళంగోవన్‌ కోరారు. చెన్నైలోని సత్యమూర్తి భవన్‌లో ఆయన విలేకర్లతో మాట్లాడారు. ప్రభుత్వ రంగ సంస్థలను కేంద్ర ప్రభుత్వం ప్రైవేటీకరణ చేస్తోందని ఆరోపించారు. అందులో భాగంగా విద్యుత్తు చట్ట సవరణల ద్వారా విద్యున్మండలిని ప్రైవేటుకు విక్రయించడానికి ప్రయత్నిస్తోందని తెలిపారు. ముఖ్యమంత్రి స్టాలిన్‌ దీన్ని వ్యతిరేకించాలని కోరారు. 5జీ స్పెక్ట్రం కేటాయించడంలో భారీ అవినీతి చోటుచేసుకుందని ఆరోపించారు.  దేశప్రజలు, ప్రజాస్వామ్యాన్ని కాపాడేందుకు గళం విప్పుతూనే ఉంటామని తెలిపారు.