‘ప్రతి ఇంటిపై జెండా ఎగరాలి’

ర్యాలీ చేస్తున్న జవాన్లు

అరక్కోణం, న్యూస్‌టుడే: స్వాతంత్య్ర దినోత్సవాన్ని పురస్కరించుకుని ప్రతి ఇంటిపై జాతీయ జెండా ఎగురవేయాలని అరక్కోణం మన్సిపల్‌ ఛైర్‌పర్సన్‌ లక్ష్మి తెలిపారు. సీఐఎస్‌ఎఫ్‌ తరఫున జాతీయ జెండాలను తక్కోళం పంచాయతీకి అందచేసే కార్యక్రమం గురువారం జరిగింది. తక్కోళం ప్రభుత్వ బాలికల మహోన్నత పాఠశాల ఆవరణలో సీఐఎస్‌ఎఫ్‌ ఆధ్వర్యంలో కమాండర్‌ గౌరవ్‌ తోమర్‌ నేతృత్వంలో ఏర్పాటైన ఈ కార్యక్రమంలో 500 మందికిపైగా జవాన్లు పాల్గొన్నారు. ఈ సందర్భంగా ర్యాలీని చేపట్టారు. మున్సిపల్‌ కార్యాలయ ఆవరణలో కౌన్సిలర్లకు జాతీయ జెండాలను అందచేసే కార్యక్రమం జరిగింది. కమిషనర్‌ లత నేతృత్వంలో ఏర్పాటైన కార్యక్రమంలో ఛైర్‌పర్సన్‌ లక్ష్మి, ఉపాధ్యక్షురాలు కళావతి, కౌన్సిలర్లు, పాల్గొన్నారు.