అధిక ఛార్జీలు వసూలు చేస్తే చర్యలు

రవాణాశాఖ మంత్రి శివశంకర్‌

ప్యారిస్‌, వడపళని, న్యూస్‌టుడే: వరుస సెలవుల సందర్భంగా అధిక ఛార్జీలు వసూలు చేసే ఆమ్నీ బస్సు యజమానులపై చర్యలు తీసుకుంటామని రవాణాశాఖ మంత్రి శివశంకర్‌ హెచ్చరించారు. 75వ స్వాతంత్య్ర దినోత్సవం సోమవారం జరుపుకోనున్నారు. అదేవిధంగా శని, ఆదివారాలు సెలవు కావడంతో చెన్నై నుంచి ఇతర ప్రాంతాలకు వెళ్లేందుకు బస్సులు, రైళ్లలో పెద్దఎత్తున వెళ్తున్నారు.  చెన్నై నుంచి తిరుచ్చికి వెళ్లేందుకు ప్రైవేటు బస్సుల్లో రూ. 800 వసూలు చేస్తున్న స్థితిలో ప్రస్తుతం రూ.2,300, కోయంబత్తూరుకి రూ.3000, మదురైకి రూ.3,500 వరకు తీసుకుంటున్నట్లుగా ఫిర్యాదులు అందాయి. దీనిపై ప్రాంతీయ రవాణా కార్యాలయంలో ప్రజలు ఫిర్యాదు చేయవచ్చని, రవాణాశాఖ అధికారులు తనిఖీలు చేపట్టి తగిన చర్యలు తీసుకోవాలని మంత్రి శివశంకర్‌ ఆదేశించారు.