మహిళకు బంగారం అప్పగింత

హక్కీంకి నగలు అప్పగిస్తున్న రైల్వే పోలీసులు

ట్రిప్లికేన్‌, న్యూస్‌టుడే: తిరునెల్వేలి ఎక్స్ ప్రెస్ రైలులో తెలియకుండా పడిపోయిన రూ.18 లక్షల విలువైన 43 సవర్ల బంగారు ఆభరణాలను రైల్వే పోలీసులు సంబంధిత మహిళకు అప్పగించారు. చెన్నై మేడవాక్కానికి చెందిన హక్కీం బుధవారం కుటుంబంతో కలిసి చెన్నై నుంచి తిరునెల్వేలికి తిరునెల్వేలి ఎక్స్‌ప్రెస్‌ రైలులో బయల్దేరారు. తిరునెల్వేలి జంక్షన్‌లో దిగినప్పుడు తన బంగారు నగల బ్యాగును రైలులోనే విడిచినట్లు గుర్తించారు. ఆమె ఫిర్యాదు మేరకు రైల్వే పోలీసులు బోగీలలో గాలించి బ్యాగును గుర్తించారు. అందులో ఉన్న రూ.18 లక్షల విలువైన బంగారు నగలు, రూ.15 వేల నగదును బాధితురాలికి పోలీసులు అప్పగించారు.