కోవై జిల్లాలో పటిష్ట పోలీసు భద్రత

భద్రతా విధుల్లో ప్రత్యేక బలగాలు

కోయంబత్తూరు, న్యూస్‌టుడే: కోయంబత్తూరు నగరంలోని కొన్ని ప్రాంతాల్లో గురువారం రాత్రి జరిగిన పెట్రోల్‌ బాంబు దాడులతో నగరం ఒక్కసారిగా ఉలిక్కిపడింది. దీంతో జిల్లాలో ఎలాంటి అవాంఛనీయ సంఘటనలు జరగకుండా పోలీసులు, ప్రత్యేక బలగాలు పటిష్ట భద్రతా చర్యలు చేపట్టాయి. ఈ ఘటనలను ఖండిస్తూ భాజపా, హిందూ మున్నని కార్యకర్తలు ఆందోళన చేపడుతున్నారు. దీంతో జిల్లాలో ఉద్రిక్త పరిస్థితులు నెలకొన్నాయి. ఈ నేపథ్యంలో ఇతర జిల్లాల నుంచి 1700 మందికి పైగాబ పోలీసులు కోయంబత్తూరుకి చేరుకున్నారు. అదనంగా 28 చోట్ల వాహనాల తనిఖీ చేపట్టారు. రైల్వేస్టేషన్‌లో పటిష్ట భద్రత ఏర్పాటు చేశారు.