36 గంటల్లో ‘ప్రీకాస్ట్‌’ వరద కాలువలు

కార్మికులకు సూచనలిస్తున్న ఇంజినీర్లు

ప్రీకాస్ట్‌ సిమెంటు బాక్సులను కాలువలో ఉంచుతున్న దృశ్యం

ఈనాడు-చెన్నై: తాజాగా గ్రేటర్‌ చెన్నై కార్పొరేషన్‌ అధికారులు కొలత్తూరులో ఏకంగా 36 గంటలు పనిచేసి వరద కాలువల్ని పూర్తిచేశారు. ముందే తయారుచేసిన కాంక్రీట్‌ సిమెంట్‌ బాక్స్‌లను తీసుకొచ్చి ఈ పనులు చేపట్టారు. పూంపుహార్‌ నగర్‌ నుంచి వెలవన్‌ నగర్‌ పేపర్‌ మిల్స్‌ రోడ్‌ మధ్యలో 10 మీట్లర మేర కాలువలు నిర్మించారు. ఈ పనులతో బాబానగర్‌, సెంథిల్‌నగర్‌, పూంపుహార్‌ నగర్‌, శ్రీనివాసనగర్‌, జయరాంనగర్‌, అనసూయనగర్‌, లక్ష్మీనగర్‌, అంజుగమ్‌ నగర్‌ తదితర ప్రాంతాలవారు లబ్ధి పొందనున్నట్లు ఇంజినీర్లు తెలిపారు.