ఆలయాల ఆస్తుల పరిరక్షణ కోరుతూ వ్యాజ్యం

ప్యారిస్‌, న్యూస్‌టుడే: ఆలయాలకు చెందిన భూములు, ఇతర ఆస్తులకు రక్షణ కల్పించాలని దాఖలైన పిటిషన్‌పై రాష్ట్ర ప్రభుత్వం జవాబు ఇవ్వాలని మద్రాసు హైకోర్టు ఉత్తర్వులు ఇచ్చింది. సేలానికి చెందిన వ్యక్తి హైకోర్టులో దాఖలు చేసిన వ్యాజ్యంలో... పెరంబలూరు పొన్నంబల్‌ స్వామి, అయ్యనార్‌ ఆలయాల భూములు, చెరువులు ఆక్రమణలకు గురైనట్లు తెలిసిందన్నారు. ఈ విషయమై పరిశీలించి చర్యలు చేపట్టాలని జిల్లా యంత్రాంగం దృష్టికి తీసుకెళ్లినా చర్యలు చేపట్టలేదన్నారు. ఆక్రమణల నుంచి కాపాడడానికి జిల్లా స్థాయిలో కమిటీ ఏర్పాటు చేసి చర్యలు చేపట్టడడానికి ఉత్తర్వులు ఇవ్వాలని కోరారు. ఈ పిటిషన్‌ శనివారం ఇన్‌ఛార్జి చీఫ్‌ జస్టిస్‌ రాజా, జస్టిస్‌ కృష్ణకుమార్‌ ధర్మాసనంలో విచారణకు వచ్చింది. అప్పుడు రాష్ట్ర రెవెన్యూ శాఖ, పెరంబలూరు జిల్లా కలెక్టరు మూడు వారాల్లో దీనిపై జవాబు ఇవ్వాలని ఉత్తర్వులు ఇచ్చారు. తదుపరి విచారణను అప్పటికి వాయిదా వేశారు.