తాటి విత్తనాలు నాటిన సభాపతి

విత్తనం నాటుతున్న సభాపతి సెల్వం

చెన్నై, న్యూస్‌టుడే: పుదుచ్చేరిలో తాటి విత్తనాలు నాటే రెండో విడత పనులను సభాపతి సెల్వం ప్రారంభించారు. భారత స్వాతంత్య్ర అమృత మహోత్సవాలను పురస్కరించుకుని 74వేల తాటి విత్తనాలు నాటే కార్యక్రమాన్ని ఆగస్టులో ఇన్‌ఛార్జి లెఫ్టినెంట్‌ గవర్నర్‌ తమిళిసై సౌందరరాజన్‌, సభాపతి సెల్వం ప్రారంభించారు. తొలి విడతగా పుదుచ్చేరిలోని పలు ప్రాంతాల్లో నాటారు. తర్వాత దఫాగా నోణాంకుప్పం నది తీరం వెంబడి 2 వేల విత్తనాలు నాటడాన్ని ఆదివారం సెల్వం ప్రారంభించారు. కార్యక్రమంలో కారైకాల్‌లోని కళాశాల విద్యార్థులు, పుదుచ్చేరి రోటరీ క్లబ్‌ నిర్వాహకులు పాల్గొన్నారు.