‘రహదారుల నిర్మాణంలో నాణ్యత పాటించండి’

సమీక్షా సమావేశంలో పాల్గొన్న మంత్రి ఏవీ వేలు తదితరులు

వేలచ్చేరి, న్యూస్‌టుడే: రహదారుల నిర్మాణంలో తగిన నాణ్యతాప్రమాణాలు పాటించాలని మంత్రి ఏవీ వేలు అధికారులను ఆదేశించారు. గిండిలో సోమవారం ప్రజా పనులు, రహదారులు, మైనర్‌ పోర్టుల శాఖ మంత్రి ఏవీ వేలు అధ్యక్షతన సమీక్షా సమావేశాన్ని నిర్వహించారు. ఈ సందర్భంగా ఆయన మాట్లాడుతూ.. నిర్ణీత గడువులోపు పనులు పూర్తి చేసేందుకు సమన్వయంతో సాగాలని కోరారు. రైల్వే శాఖతో కలిసి పని చేయాలని సూచించారు. పట్టణ ప్రాంతాల్లో మురుగునీటి కాలువలను సరైన పద్ధతుల్లో నిర్మించాలని సూచించారు.