‘రాజకీయాల్లో మఠాధిపతుల జోక్యం తగదు’

యదుగిరి యతిరాజ నారాయణ రామానుజ జీయర్‌

వేలచ్చేరి, న్యూస్‌టుడే: ఆధీనాలు, మఠాధిపతులు రాజకీయాల్లో జోక్యం చేసుకోకూడదని కర్ణాటకకు చెందిన యదుగిరి యతిరాజ నారాయణ రామానుజ జీయర్‌ పేర్కొన్నారు. కన్యాకుమారిలో ఆయన సోమవారం విలేకర్లతో మాట్లాడుతూ.. రామానుజాచార్యుల బోధనలు దేశవ్యాప్తంగా విస్తరిస్తున్నాయని తెలిపారు. ఆయన తన మద్దతుదారులలో విభేదాలు ఉండకూడదని కోరుకొనేవారని గుర్తు చేశారు. కశ్మీరులో పండితుల గ్రంథాలను సేకరించి కంప్యూటరీకరణ చేసే పనులు జరుగుతున్నాయని తెలిపారు. తనకు రాజకీయాలు మాట్లాడటం ఇష్టం లేదన్నారు. ఆధీనాలు, మఠాధిపతులు రాజకీయాల్లో జోక్యం చేసుకోకూడదని కోరారు. తాము సన్యాసులమని గుర్తుంచుకుని దైవసేవ చేయడంపై దృష్టి సారించాలని హితవు పలికారు.