వేలూరులో సైనిక నియామక ఎంపికలు

పాల్గొనేందుకు వచ్చిన అభ్యర్థులు

వేలూర్‌, న్యూస్‌టుడే: వేలూర్‌ జిల్లా కాట్పాడిలో సైనిక నియామక ర్యాలీ నిర్వహిస్తున్నారు. పురుషుల కోసం శనివారం వరకు అవకాశం ఇచ్చారు. దేహదారుఢ్య పరీక్షల్లో ఉత్తీర్ణులైన వారిని తదుపరి దశలకు ఎంపిక చేశారు. మహిళలకు ఆదివారం నుంచి శిబిరం ప్రారంభమైంది. రాష్ట్రంతోపాటు ఆంధ్రప్రదేశ్‌, తెలంగాణలకు చెందిన వారు పెద్ద సంఖ్యలో పాల్గొన్నారు. ఆదివారం అర్ధరాత్రి వరకు సాధారణ శారీరక పరీక్షలు, అనంతరం ధ్రువపత్రాల పరిశీలన కొనసాగింది. మైదానంలోకి అనుమతించారు. తరువాత పరుగు పందెం, ఇతర పరీక్షలు నిర్వహించారు. సోమవారం కూడా ఈ ప్రక్రియ కొనసాగింది. మంగళవారంతో ఎంపిక ప్రక్రియ ఇక్కడ ముగుస్తుందని అధికారులు తెలిపారు.