కనులపండువగా భూత వాహన సేవ

భూత వాహనంపై ఊరేగుతున్న ఉన్నాములై సమేత చంద్రశేఖరస్వామి

తిరువణ్ణామలై, న్యూస్‌టుడే: తిరువణ్ణామలై అరుణాచలేశ్వరస్వామి ఆలయంలో జరుగుతున్న కార్తిక మహాదీపోత్సవాలలో భాగంగా 3వ రోజు మంగళవారం ఉదయం విఘ్నేశ్వరుడు, చంద్రశేఖరస్వాములకు ప్రత్యేక అభిషేకాలు, అర్చనలు, అలంకరణ, దీపారాధనలు చేశారు. ముందుగా మూషిక వాహనంపై వినాయకస్వామిని ఆలయ మాడవీధుల్లో ఊరేగించారు. ఆ తర్వాత ఉన్నాములై సమేత చంద్రశేఖరస్వామిని భూత వాహనంపై ఊరేగించారు. సోమవారం రాత్రి పంచమూర్తులను వెండి ఇంద్ర విమానాలలో ఊరేగించారు.

* మహాదీపం వెలిగించడానికి కావలసిన నేతిని భక్తుల నుంచి సేకరించే కౌంటర్‌ను మంగళవారం ప్రారంభించారు. ఈ కౌంటర్‌ను ఆలయ సంయుక్త కమిషనరు రాజేంద్రన్‌ ప్రారంభించారు.