కుటుంబీకుల చెంతకు మానసిక దివ్యాంగురాలు

ముబినాను శాలువాతో సత్కరిస్తున్న కలెక్టరు అమర్‌ కుష్వాహా

వేలూర్‌, న్యూస్‌టుడే: ఉత్తరప్రదేశ్‌ రాష్ట్రానికి చెందిన ముబినా (55) మానసిక దివ్యాంగురాలు. 20 ఏళ్ల క్రితం అదృశ్యమైంది. తిరుప్పత్తూరు జిల్లాలోని ఓ బస్టాండు వద్ద సుమారు 12 ఏళ్ల క్రితం సంచరిస్తుండగా స్థానికులు ఆమెను ఉదవుం ఉళ్లంగల్‌ అనే అనాథ ఆశ్రమంలో చేర్చారు. అక్కడ ఆమెకు తగిన చికిత్స చేయిస్తున్నారు. ఈ క్రమంలో ఆశ్రమంలో జరిగిన ఓ కార్యక్రమంలో పాల్గొన్న వైమానిక దళ అధికారి ఆమెకు సాయం చేయాలని నిర్ణయించుకున్నారు. ఆ మేరకు ఆగ్రా పోలీసులకు సమచారం చేరవేశారు. వారు ముబినా కుటుంబీకుల వివరాలను సేకరించి వారికి విషయాన్ని తెలియజేశారు. వారు వెంటనే అక్కడి నుంచి తిరుప్పత్తూరుకు చేరుకున్నారు. అధికారుల సమక్షంలో అనాథాశ్రమ నిర్వాహకులు ముబినాను ఆమె కుటుంబీకులకు అప్పగించారు. కలెక్టర్‌ అమర్‌ కుష్వాహా ముబినాను సత్కరించారు.