ఏనుగుకు నివాళి

లక్ష్మి సమాధికి నివాళులర్పిస్తున్న స్థానికులు

చెన్నై, న్యూస్‌టుడే: పుదుచ్చేరిలోని ప్రసిద్ధ మణకుళ వినాయక ఆలయ ఏనుగు లక్ష్మి అనారోగ్యంతో బుధవారం మరణించిన విషయం తెలిసిందే. కళేబరానికి శవపరీక్ష నిర్వహించి రాత్రి ఖననం చేశారు. ఈ నేపథ్యంలో గురువారం ఉదయం ఆ ప్రాంతానికి పెద్ద సంఖ్యలో ప్రజలు తరలివచ్చారు. సమాధికి పూజలు చేసి నివాళులర్పించారు.ఏనుగుకు విగ్రహం ఏర్పాటు చేయనున్నట్టు పుదుచ్చేరి పర్యాటకశాఖ మంత్రి లక్ష్మీనారాయణన్‌ తెలిపారు. సమాధి కూడా కట్టించనున్నారని పేర్కొన్నారు. దంతాన్ని మణకుళ వినాయక ఆలయంలో భద్రపరచనున్నామని వివరించారు. ఆలయానికి కొత్త ఏనుగును రప్పించే విషయాన్ని ప్రభుత్వం నిర్ణయిస్తుందని ఓ ప్రశ్నకు సమాధానంగా చెప్పారు. ఏనుగును పెంచడానికి చట్టపరంగా పలు ఇబ్బందులు ఉన్నాయని వెల్లడించారు.