ఉపాధ్యాయులను బదిలీ చేయొద్దని ఆందోళన

ఆందోళన చేస్తున్న దృశ్యం

వేలూర్‌, న్యూస్‌టుడే: ఉపాధ్యాయులను బదిలీ చేయెద్దని పాఠశాల విద్యార్థినులు ఆందోళన చేపట్టారు. వేలూర్‌ కొసప్పేట ఈవీఆర్‌ఎన్‌ బాలికల హయ్యర్‌ సెకండరీ పాఠశాలలో వెయ్యి మందికి పైగా విద్యార్థినులు చదువుతున్నారు. ఈ నేపథ్యంలో ప్లస్‌వన్‌, ప్లస్‌టూ తరగతులకు బోధించే నలుగురు ఉపాధ్యాయులకు బదిలీ ఉత్తర్వులు అందాయి. తమ ఉపాధ్యాయులను బదిలీ చేయొద్దని శుక్రవారం పాఠశాల ప్రాంగణంలో విద్యార్థినులు ఆందోళన చేపట్టారు. జిల్లా విద్యాధికారులు దయాళన్‌, లక్ష్మి తదితరులు అక్కడకు చేరుకుని వారితో మాట్లాడారు. వారి వినతిని జిల్లా ప్రాథమిక విద్యాధికారి దృష్టికి తీసుకెళ్తామని చెప్పడంతో ఆందోళన విరమించారు.