‘ఓటు విలువను గుర్తించాలి’

కార్యక్రమంలో ప్రసంగిస్తున్న లలితా రామకృష్ణ్ణన్‌

చెన్నై, న్యూస్‌టుడే: ప్రతి ఒక్కరూ ఓటు విలువను గుర్తించాలని పాండిచ్చేరి విశ్వవిద్యాలయ కమ్యూనిటీ కళాశాల ప్రిన్సిపల్‌ లలితా రామకృష్ణన్‌ సూచించారు. పీయూ కమ్యూనిటీ కళాశాలలో ప్రత్యేక ఓటరు నమోదు శిబిరం జరిగింది. ప్రిన్సిపల్‌ లలితా రామకృష్ణన్‌ మాట్లాడుతూ... ప్రజాస్వామ్యంలో ఓటు అత్యంత విలువైందని తెలిపారు. సరైన పాలకులను ఎన్నుకునేందుకు వజ్రాయుధం వంటిందని పేర్కొన్నారు. ఈ విలువను ప్రతి ఒక్కరూ గుర్తించాలని తెలిపారు. అర్హత కలిగిన ప్రతి ఒక్కరూ ఓటరుగా నమోదు చేసుకోవాలని పిలుపునిచ్చారు. కార్యక్రమంలో పుదుచ్చేరి ఎన్నికల విభాగ అధికారి విబిన్‌, పుదువై ఓటరు నమోదు ఎన్నికల విభాగం నోడల్‌ అధికారి గోవిందస్వామి, కళాశాల ఓటరు నమోదు నోడల్‌ అధికారి డాక్టర్‌ పాండు తదితరులు పాల్గొన్నారు. కార్యక్రమంలో సుమారు 100 మంది విద్యార్థులు కొత్తగా ఓటు నమోదు చేసుకున్నారు.