భారతియార్‌ నాటక ప్రదర్శన ప్రారంభం

తిలకిస్తున్న మంత్రులు తదితరులు

చెన్నై, న్యూస్‌టుడే: రాష్ట్ర సమాచారశాఖ తరఫున ‘భారతియార్‌’ చారిత్రక నాటకాన్ని మంత్రులు ప్రారంభించారు. స్వాతంత్య్ర సమరయోధుడు, కవి భారతియార్‌ శత వర్ధంతి సందర్భంగా ఆయన కీర్తిని చాటేలా ప్రభుత్వం పలు చర్యలు చేపట్టింది. అందులో భాగంగా ఎస్పీ క్రియేషన్స్‌ నిర్మాణంలో ఎస్పీఎస్‌ రామన్‌ బృందం ‘భారతియార్‌’ చారిత్రక నాటకాన్ని తొలి విడతగా చెన్నైలో ప్రదర్శించింది. కోట్టూర్‌పురంలోని అన్నా సెంటినరీ లైబ్రరీ ప్రాంగణంలో మంత్రులు స్వామినాథన్‌, సుబ్రమణియన్‌, శేఖర్‌బాబు కార్యక్రమాన్ని ప్రారంభించారు. తర్వాత నాటకాన్ని తిలకించారు. అరసు కేబుల్‌ టీవీ ద్వారా ప్రసారం చేయనున్నారు.