బస్సు ఛార్జీలు పెంచే ఆలోచన లేదు

మంత్రి శివశంకర్‌

విల్లివాక్కం, న్యూస్‌టుడే: రాష్ట్రంలో బస్సు ఛార్జీలు పెంచే ప్రసక్తే లేదని రాష్ట్ర రవాణాశాఖ మంత్రి శివశంకర్‌ స్పష్టం చేశారు. నామక్కల్‌ సమీపం బొమ్మైకుట్టైమేట్టులో రాష్ట్ర లారీ యజమానుల సంఘానికి ఎన్నికైన నూతన నిర్వాహకుల పదవీ ప్రమాణ స్వీకరణ కార్యక్రమం గురువారం జరిగింది. కార్యక్రమంలో పాల్గొన్న మంత్రి శివశంకర్‌ మాట్లాడుతూ... ముఖ్యమంత్రి ముందుగా శాసనసభలో ప్రకటించిన ప్రకారం వెయ్యి బస్సుల కొనుగోలుకు రూ.420 కోట్లు కేటాయించారన్నారు. త్వరలో టెండరు ఆహ్వానించి కొత్త బస్సులు కొనుగోలు చేయనున్నట్లు తెలిపారు. ప్రైవేటు బస్సుల యజమానుల సమస్యలు త్వరలో పరిష్కారమవుతాయన్నారు.