అందుబాటులోకి సామాజిక భవనం

భవనాన్ని ప్రారంభిస్తున్న ఉదయనిధి స్టాలిన్‌

సైదాపేట, న్యూస్‌టుడే: రూ. 6.02 కోట్ల వ్యయంతో నిర్మించిన సామాజిక భవనాన్ని మంత్రి ఉదయనిధి సోమవారం ప్రారంభించారు. తిరువికా నగర్‌ మండలం 78వ వార్డు పరిధిలోని సచిదానందం వీధిలో ఎంపీ కనిమొళి, ఎగ్మూరు ఎమ్మెల్యే రవిచంద్రన్‌ల నియోజకవర్గ అభివృద్ధి నిధులతో దీన్ని నిర్మించారు. మంత్రి పీకే శేఖర్‌బాబు సమక్షంలో ఉదయనిధి దీన్ని ప్రారంభించారు. ఈ సందర్భంగా 9 జంటలకు వివాహాలు చేయించారు. గృహోపకరణాలు అందజేశారు. కార్యక్రమంలో మేయర్‌ ప్రియ, ఎమ్మెల్యేలు పరంధామన్‌ తదితరులు పాల్గొన్నారు. ఈ సందర్భంగా ఉదయనిధి మాట్లాడుతూ ‘ఈపీఎస్‌, ఓపీఎస్‌లకు ఎక్కడికైనా వెళ్లండి, కమలాలయానికి వెళ్లొద్దని గతంలో చెప్పాను. ఇద్దరూ పోటాపోటీగా కమలాలయం వెళ్లారని’ విమర్శించారు.