‘గవర్నర్‌ రాజీకి వస్తే మేలు’

విలేకరులతో మాట్లాడుతున్న కార్తి చిదంబరం

ఆర్కేనగర్‌, న్యూస్‌టుడే: ప్రభుత్వంతో గవర్నర్‌ రాజీకి వస్తే మంచిదని కాంగ్రెస్‌ ఎంపీ కార్తి చిదంబరం అన్నారు. ఈ మేరకు ఆయన గురువారం పార్టీ కార్యాలయంలో విలేకరులతో మాట్లాడుతూ.. ఈరోడ్‌ తూర్పు ఉప ఎన్నికలో అన్నాడీఎంకే ఓట్లు తమకే పడతాయన్నారు. తమ పార్టీ, కమల్‌హాసన్‌ రాజకీయ సిద్ధాంతాలు ఒక్కటేనన్నారు. లోక్‌సభ ఎన్నికల్లో తమ కూటమిలో ఎంఎన్‌ఎం చేరే అవకాశం ఉందన్నారు. సీట్లు కేటాయించడంలో డీఎంకేదే నిర్ణయమని తెలిపారు. రాష్ట్ర ప్రభుత్వంతో గవర్నర్‌ రాజీకి వస్తే మంచిదని సూచించారు.