కార్పొరేషన్‌ సిబ్బందికి ప్రశంసాపత్రాల అందజేత

జెండా వందనం చేస్తున్న మేయర్‌ ప్రియ

ఆర్కేనగర్‌, న్యూస్‌టుడే: చెన్నై కార్పొరేషన్‌ కార్యాలయమైన రిబ్బన్‌ భవనంలో గురువారం గణతంత్ర వేడుకలు ఘనంగా జరిగాయి. మేయర్‌ ప్రియ జాతీయ జెండాను ఎగురవేశారు. ఎన్‌సీసీ విద్యార్థుల కవాతును స్వీకరించారు. ఉత్తమ సేవలందించిన కార్పొరేషన్‌ సిబ్బందిని అభినందిస్తూ ప్రశంసాపత్రాలు అందించారు. పాఠశాల విద్యార్థులు తయారుచేసిన పలు ఆవిష్కరణల ప్రదర్శనను మేయర్‌ వీక్షించారు. విద్యార్థులను అభినందించారు. కార్యక్రమంలో డిప్యూటీ మేయర్‌ మహేష్‌కుమార్‌, జీసీసీ కమిషనర్‌ గగన్‌దీప్‌సింగ్‌బేడీ తదితరులు పాల్గొన్నారు.