కార్యకర్తపై మంత్రి దాడి

దాడి చేస్తున్న కేఎన్‌ నెహ్రూ

సేలం, న్యూస్‌టుడే: మంత్రి ఉదయనిధికి స్వాగతం పలుకుతున్న కార్యక్రమంలో కార్యకర్తపై మంత్రి కేఎన్‌ నెహ్రూ దాడిచేసిన వీడియో సామాజిక మాధ్యమాల్లో వైరల్‌గా మారింది. సేలంలో శుక్రవారం పలు కార్యక్రమాల్లో పాల్గొనేందుకు మంత్రి ఉదయనిధి స్టాలిన్‌ గురువారం రాత్రి రాత్రి సేలం వచ్చారు. ఆయనకు తలైవాసల్‌లో డీఎంకే తరఫున స్వాగతం పలికే కార్యక్రమం జరిగింది. మంత్రి ఉదయనిధికి కార్యకర్తలు వరుసగా శాలువా వేస్తున్నారు. ఆ సమయంలో ఓ కార్యకర్త శాలువా వేసి, మాట్లాడేందుకు యత్నించగా మంత్రి కేఎన్‌ నెహ్రూ అతనిపై దాడిచేసి పంపించేశాడు. ప్రస్తుతం ఈ వీడియో సామాజిక మాధ్యమాల్లో వైరల్‌గా మారింది.