మురుగన్‌ సేవలో ప్రేమలత

ఆలయ ప్రాంగణంలో ప్రేమలత తదితరులు

తిరుత్తణి, న్యూస్‌టుడే: డీఎండీకే కోశాధికారి ప్రేమలత విజయకాంత్‌ తిరుత్తణి ఆర్ముగ స్వామిని దర్శించుకున్నారు. తిరువళ్ళూరు జిల్లా తిరుత్తణి కొండపై మురుగన్‌ ఆలయంలో శుక్రవారం జరిగిన బంధువు ఎల్‌కే రఘు-రాహుల్‌ ఇంటి వివాహ కార్యక్రమంలో ఆమె పాల్గొన్నారు. వధూవరులను ఆశీర్వదించారు. అనంతరం ఆర్ముగస్వామిని దర్శించుకున్నారు. అర్చకులు ఆలయ మర్యాదలతో ప్రసాదాలు అందించారు. రాష్ట్ర యువజన విభాగ కార్యదర్శి ఎల్‌కే.సతీష్‌, జిల్లా డీఎండీకే  కార్యదర్శి కృష్ణమూర్తి తదితరులు ఆమెను ఘనంగా స్వాగతించారు. రానున్న లోక్‌ ఎన్నికలకు సంబంధించిన అంశాలపై నిర్వాహకులకు సూచనలిచ్చారు.