డీఎండీకే అభ్యర్థి నామపత్రాల దాఖలు 31న

ఆనంద్‌

వేలచ్చేరి, న్యూస్‌టుడే: ఈరోడ్డు (తూర్పు) నియోజకవర్గంలో ఉప ఎన్నికల్లో పోటీ చేయనున్న డీఎండీకే అభ్యర్థి ఈనెల 31వ తేదీ మంగళవారం తన నామపత్రాలను దాఖలు చేయనున్నారు. ఎన్నికల్లో డీఎండీకే తరఫున ఒంటరిగా పోటీ చేయాలని ఆ పార్టీ కార్యవర్గ సమావేశంలో పార్టీ కోశాధికారి ప్రేమలత పార్టీ నాయకులతో చర్చించి నిర్ణయాన్ని తెలిపారు. అభ్యర్థిగా ఆనంద్‌ను పార్టీ అధ్యక్షుడు విజయ్‌కాంత్‌ ఖరారు చేశారు. ఆ మేరకు పార్టీ అభ్యర్థి ఆనంద్‌ ఈనెల 31వ తేదీన నామపత్రాలు దాఖలు చేస్తారని అధిష్ఠానం ప్రకటించింది. ఆనంద్‌ తరఫున పార్టీ కోశాధికారి ప్రేమలత, ఉప కార్యదర్శి సుదీష్‌ తదితరులు ప్రచారంలో పాల్గొంటారు.