కావళ్ల ఊరేగింపు

తరలివస్తున్న భక్తులు

విల్లివాక్కం, న్యూస్‌టుడే: ఏటా తైపూస పర్వదినాన్ని పురస్కరించుకుని పట్టణ వాసులు ఒకచోట చేరి కావళ్లను పళని ఆలయానికి ఊరేగింపుగా తీసుకెళ్లడం ఆనవాయితీ. ఆమేరకు ఈ ఏడాది కందనూర్‌, అరణ్మనై పొంగల్‌, నెర్కుప్పై తదితర ప్రాంతాల నుంచి కావళ్లతో బయలుదేరిన భక్తులు కుండ్రక్కుడిని కేంద్రంగా పళని వైపు బయలుదేరాయి. పిళ్ళైయార్‌పట్టిలో దర్శనం చేసుకుని పాదయాత్రగా తిరుప్పత్తూర్‌ రోడ్డు మార్గంలో సింగంపురి వైపు బయలుదేరారు. సోమవారం ఉదయం సింగంపురి సేవుగపెరుమాల్‌ అయ్యనార్‌ కోవిల్‌కి చేరకుని అక్కడ నుంచి దిండిగల్లు మార్గంగా పాదయాత్ర కొనసాగనుంది. సింగంపురి నాలుగు రోడ్ల కూడలిలో భక్తులు కావళ్లకు ఘన స్వాగతం పలికారు.