‘అన్నివర్గాల అభివృద్ధిని కోరేలా బడ్జెట్‌’

విలేకర్లతో మాట్లాడుతున్న నమశివాయం

చెన్నై, న్యూస్‌టుడే: అన్నివర్గాల అభివృద్ధిని కోరేలా కేంద్ర బడ్జెట్‌ ఉందని పుదుచ్చేరి హోంశాఖ మంత్రి నమశివాయం తెలిపారు. భాజపా పుదుచ్చేరి ప్రధాన కార్యాలయంలో గురువారం విలేకరుల సమావేశంలో ఆయన మాట్లాడుతూ... పుదుచ్చేరికి రూ.3,124 కోట్లు కేటాయించారని తెలిపారు. మౌలిక వసతుల కల్పన, ఆర్థికాభివృద్ధి తదితర అవసరాలకు ఈ నిధులు కేటాయించినట్టు పేర్కొన్నారు. బడ్జెట్‌లో అన్నివర్గాల ప్రజలకు నిధులు కేటాయించారని తెలిపారు. పుదుచ్చేరి అభివృద్ధికి కేంద్రం పెద్దపీట వేస్తోందని, తొమ్మిదేళ్లుగా పెండింగ్‌లో ఉన్న పలు దస్త్రాలకు కేంద్ర హోంశాఖ అనుమతి ఇస్తోందని చెప్పారు. సమావేశంలో మంత్రి సాయి శరవణన్‌కుమార్‌, భాజపా పుదుచ్చేరి అధ్యక్షుడు స్వామినాథన్‌ తదితరులు పాల్గొన్నారు.