గురువులతో సఖ్యతగా నడచుకోవాలి

మాట్లాడుతున్న నటుడు దాము

వేలూర్‌, న్యూస్‌టుడే: గుడియాత్తం సమీపం పళ్లికొండలో ఉన్న ప్రభుత్వ బాలికల మహోన్నత పాఠశాల వార్షికోత్సవాన్ని బుధవారం నిర్వహించారు. పాఠశాల ప్రధానోపాధ్యాయుడు రవిచంద్రన్‌ నేతృత్వంలో నిర్వహించిన కార్యక్రమంలో ముఖ్య అతిథిగా నటుడు దాము పాల్గొన్నారు. ఈ సందర్భంగా ఆయన మాట్లాడుతూ విద్యార్థినులు, ఉపాధ్యాయులు పాఠాలు బోధించేటప్పుడు శ్రద్ధగా వినాలన్నారు. అందులోని సారాంశం గురించి క్షుణ్నంగా తెలుసుకోవాలని సూచించారు. విద్యార్థినులు ఉపాధ్యాయులతో సఖ్యతగా మెలగాలని సూచించారు. ఈ ఏడాది పబ్లిక్‌ పరీక్షల్లో భవిష్యత్తును దృష్టిలో ఉంచుకొని వంద శాతం ఉత్తీర్ణత సాధించాలని ఆకాంక్షించారు. విద్యార్థినులు ప్రదర్శించిన సాంస్కృతిక కార్యక్రమాలు ఆకట్టుకున్నాయి.