కానిస్టేబుల్‌కు ప్రశంసలు

పోలీసును సత్కరిస్తున్న దృశ్యం

వేలచ్చేరి, న్యూస్‌టుడే: కన్యాకుమారి జిల్లా నాగర్‌కోవిల్‌లో జనసంచారం ఎక్కువగా ఉన్న కలెక్టరు కార్యాలయం ప్రాంతంలో మానసిక దివ్యాంగురాలిని చూసి ఆ ప్రాంతంలో విధులు నిర్వర్తిస్తున్న మహిళా పోలీసు సరస్వతి తన సొంత డబ్బుతో చీర కొనిచ్చారు. తరువాత ఆ మహిళను ఆటోలో తీసుకుని ప్రభుత్వ శరణాలయానికి తరలించి అక్కడ అప్పగించారు. ఈ దృశ్యాలు సామాజిక మాధ్యమాల్లో వైరల్‌ కావడంతో విషయం తెలుసుకున్న జిల్లా ఎస్పీ హరికృష్ణప్రసాద్‌ గురువారం తన కార్యాలయానికి సరస్వతిని పిలిపించారు. ఆమెను ప్రశంసించడంతోపాటు మహిళా పోలీసు ఇన్‌స్పెక్టరు నుంచి బహుమతి అందజేసి సత్కరింపజేశారు.