ఏఎస్పీని అరెస్టు చేయాలని డిమాండ్‌

చెన్నై, న్యూస్‌టుడే

క్షయవ్యాధి నివారణపై అవగాహన ర్యాలీ నిర్వహిస్తున్న ఓమందూర్‌ ప్రభుత్వ వైద్య కళాశాల విద్యార్థులు

ఆవడి, న్యూస్‌టుడే: విచారణ ఖైదీల దంతాలు పీకి అతి క్రూరంగా శిక్షించిన ఏఎస్పీని వెంటనే అరెస్టు చేయాలని నేతాజీ సుభాష్‌ సేనా సంఘం కోరింది. సోమవారం రాత్రి బాధితుడు లక్ష్మీ శంకర్‌ పోలీసుల భద్రత నడుమ దర్యాప్తునకు హాజరయ్యారు. కలెక్టర్‌ ఆదేశాల మేరకు వచ్చిన కమిటీ అధికారులు ఆయన్ను ప్రశ్నించారు. బాధితుల తరపున సంఘ అధ్యక్షుడు, న్యాయవాది మహారాజన్‌ విలేకరులతో మాట్లాడుతూ.. బాధితులు 14 మంది అమాయకులని చెప్పారు. ఏఎస్పీని వెయిటింగ్‌ లిస్టుకు బదిలీ చేశారని, కానీ అరెస్టు చేయాలన్నారు. పోలీసు శాఖ వారు బాధితులు సాక్ష్యం చెప్పకుండా బెదిరిస్తున్నారని వెల్లడించారు. హైకోర్టులో వ్యాజ్యం దాఖలు చేయనున్నామని పేర్కొన్నారు. సబ్‌ కలెక్టర్‌ ఆధ్వర్యంలోని దర్యాప్తు కమిటీపై తమకు నమ్మకం లేదన్నారు. వచ్చే శనివారం పార్టీల మద్దతుతో పెద్ద ఎత్తున ధర్నా చేస్తామని చెప్పారు.