ఎలక్ట్రానిక్‌ పరిశోధన కేంద్రం ప్రారంభం

విద్యుత్తు ఉపకరణాలను పరిశీలిస్తున్న కలెక్టర్‌ ఆల్ఫిజాన్‌వర్గీస్‌

తిరువళ్ళూరు, న్యూస్‌టుడే: తిరువళ్ళూరు-ఆవడి మార్గంలో కాకలూరు చిప్‌కాట్‌లో ఉన్న కేంద్ర ఎలక్ట్రానిక్‌ వస్తువుల పరిశోధన కేంద్రంలో కొత్తగా పరిశోధన ఉపకరణాలు, పరికరాలను స్మాల్‌ ఇండస్రీశాఖ తరపున ఏర్పాటు చేశారు. వాటిని మంగళవారం సాయంత్రం రాష్ట్ర ముఖ్యమంత్రి స్టాలిన్‌ చెన్నైలో వీడియో కాన్పరెన్స్‌ ద్వారా ప్రారంభించారు. ఈ సందర్భంగా కలెక్టర్‌ ఆల్ఫిజాన్‌ వర్గీస్‌ పరిశోధన కేంద్రానికి వెళ్లి ఉపకరణాల పనితీరును పరిశీలించారు. కార్యక్రమంలో అధికారి శేఖర్‌, పరిశోధన కేంద్ర డైరక్టర్‌ పార్థసారధి తదితరులు పాల్గొన్నారు.