రాష్ట్ర పర్యాటకశాఖకు కేంద్ర పురస్కారం

కేంద్ర సహాయ మంత్రి కిషన్‌రెడ్డి నుంచి పురస్కారం అందుకుంటున్న చంద్రమోహన్‌

సైదాపేట : కన్యాకుమారి బీచ్‌ అభివృద్ధి పనులు చక్కగా నిర్వహించిన తమిళనాడు పర్యాటకశాఖకు కేంద్ర ప్రభుత్వ పురస్కారం లభించింది. దిల్లీలోని కేంద్ర పర్యాటక మంత్రిత్వశాఖ తరఫున ఇటీవల ఇంటిగ్రేషన్‌, ప్రభుత్వ, ప్రైవేటు రంగాల భాగస్వామ్యంపై జాతీయస్థాయి వర్క్‌షాప్‌ జరిగింది. ఈ సందర్భంగా శాఖ సహాయ మంత్రి కిషన్‌రెడ్డి ‘స్వదేశీ దర్శన్‌’ పథకం కింద కన్యాకుమారి బీచ్‌ అభివృద్ధి పనులు చక్కగా నిర్వహించినందుకుగాను తమిళనాడు పర్యాటకశాఖను అభినందించారు. రాష్ట్ర పర్యాటకం, సాంస్కృతిక శాఖ ప్రధాన కార్యదర్శి చంద్రమోహన్‌కు పురస్కారం అందజేశారు. ఈ పథకం కింద తమిళనాడులో చెన్నై మెరీనా, బెసెంట్‌ నగర్‌, మామల్లపురం, రామేశ్వరం కులశేఖరపట్నం బీచ్‌లు, కన్యాకుమారి జిల్లాలో కన్యాకుమారి బీచ్‌, త్రివేణి సంగమం, తెర్కురుచ్చి, మణక్కుడి బీచ్‌లు ఎంపికయ్యాయి. ఇందుకుగాను రూ.73.13 కోట్ల నిధులు కేటాయించారు.

అభివృద్ధి పనులు జరిగిన బీచ్‌