ఘనంగా నవమి వేడుకలు

కార్యక్రమంలో పాల్గొన్న సుబ్బారెడ్డి, జేకేరెడ్డి తదితరులు

కోడంబాక్కం, న్యూస్‌టుడే: ఆంధ్రా సాంఘిక, సాంస్కృతిక సమితి (ఆస్కా)లో శ్రీరామనవమి వేడుకలు గురువారం ఘనంగా జరిగాయి. ఇందుకు ఆస్కా ప్రాంగణం వేదికైంది. తెలుగు సంప్రదాయరీతిలో సీతారామ కల్యాణం, ఇతర పూజలు నిర్వహించారు. రవికుమార్‌ దంపతులు, అనిల్‌కుమార్‌రెడ్డి దంపతులు ఉభయదాతలుగా వ్యవహరించారు. కార్యక్రమంలో అధ్యక్షుడు సుబ్బారెడ్డి, సంయుక్త కార్యదర్శి జేకే రెడ్డి, ఉపాధ్యక్షుడు రవీంద్రన్‌, సాంస్కృతిక విభాగ కార్యదర్శి ఎస్‌.వాసురావు తదితరులు పాల్గొన్నారు. ఈ సందర్భంగా భక్తులకు ప్రసాదాలు అందజేశారు.