కోయంబత్తూరు చేరుకున్న ‘వందేభారత్‌’

కోయంబత్తూరు, న్యూస్‌టుడే: వందే భారత్‌ రైలు కోయంబత్తూరుకు చేరుకుంది. ఏప్రిల్‌ 8వ తేదీ నుంచి చెన్నై-కోయంబత్తూరు మధ్య వందేభారత్‌ రైలు సేవలను ప్రధాని ప్రారంభించనున్నారు. ఇందుకు ట్రయల్‌రన్‌ గురువారం నిర్వహించారు. ఉదయం 5.40 గంటలకు చెన్నై నుంచి బయలుదేరిన రైలు 11.30 గంటలకు కోయంబత్తూరు రైల్వేస్టేషన్‌కు చేరుకుంది. తిరిగి మధ్యాహ్నం 12 గంటలకు కోయంబత్తూరు నుంచి చెన్నైకి బయలుదేరింది. ప్రధాని రైలు సేవలను ప్రారంభించిన తరువాత ప్రతిరోజు ఉదయం 6 గంటలకు కోయంబత్తూరు నుంచి బయలుదేరి మధ్యాహ్నం 12.10 గంటలకు చెన్నైకి చేరనుంది. సేలం, ఈరోడు, తిరుప్పూరు రైల్వేస్టేషన్‌లలో మాత్రం ఆగుతుంది.